Biləsuvarda 2 qardaş qəzaya düşüb, hadisə zamanı isə daha bir insident yaşanıb...

Xezerxeber.az xəbər verir ki, Biləsuvar-Bəhrəmtəpə magistral yolunun Nəsimikənd kənd ərazisindən keçən hissəsində yük avtomobili minik maşını ilə toqquşub. Nəticədə yük avtomobili  yoldan çıxaraq aşıb. Minik avtomobilində olan  Əfqan və Nadir Qarayev qardaşları müxtəlif dərəcəli bədən xəsarətləri alaraq xəstəxanaya çatdırılıblar.

Qəza zamanı baş verən instidentin təfərrüatlarına gəlincə, məlum olub ki, qəza zamanı yoldan keçən digər nəqliyyat vasitəsinin sürücüsü maşını saxlayaraq dərəyə düşən yük maşının sürücüsünə kömək etmək istəyib. Həmin vaxt hadisə yerinə gələn yaralı qardaşların 3-cü qardaşı - Zəfər Qarayev həmin sürücünü qəza törədən yük maşının sahibi ilə səhv salaraq ona hücum edib və bıçaqla xəsarətlər yetirib. 

Qolundan bıçaq yarası alan həmin sürücü də xəstəxanaya aparılıb.

Xezerxeber.az mövzu ilə bağlı daha ətraflı videomaterialı təqdim edir.