194 nömrəli avtobuslar nə vaxt yenilənəcək?–Sərnişinlər narazıdır VİDEO

"Qobu Park" yaşayış kompleksinin sakinləri marşrutla bağlı problem yaşayırlar.

Xezerxeber.az-ın məlumatına görə, sərnişinlər 194 nömrəli avtobusların köhnəliyindən narazıdırlar.

Bəzi sərnişinlər isə marşrut xəttinin yalnız 20 Yanvar ərazisinə getməsindən şikayətçidirlər.

Sürücülər də təsdiqləyirlər ki, yaşayış kompleksi açılandan eyni avtobuslarla işləyirlər.

Daşıyııc şirkətin əməkdaşları isə sərnişinlərdən narazılıq edir. Onlar deyirlər ki, sakinlər avtobuslarda təmizliyə riayət etmirlər.

Şirkət əməkdaşının sözlərinə görə, sözügedən xətt üzrə yeni elektrobuslar gətiriləcək.

Daşıyıcı şirkətdən o da bildirilib ki, marşrut xəttinin intervalı təxminən 10-12 dəqiqə təşkil edir. Digər metroətrafı ərazilərə də avtobusların işləməsi məsələsi isə hələ ki, gündəmdə deyil.

Xezerxeber.az mövzu ilə bağlı daha ətraflı videomaterialı təqdim edir.