Bu yolda piyada keçidi və işıqfor olmadığı üçün tez-tez qəzalar olur VİDEO

Nərimanov rayonu, Təbriz küçəsində piyada keçidi və işıqfor olmadığı üçün bu ərazidə tez-tez qəzalar baş verir.

Xezerxeber.az-ın məlumatına görə, bu barədə əraziyə yaxın yaşayan sakinlər belə deyirlər. Bununla bağlı "Xəzər Xəbər"in vatsap ünvanına görüntülər də göndərilib.

Hətta sakin iddia edir ki, ərazidə piyada keçidi olmadığından yolu keçməyə çalışan uşağı avtomobil vurub və bu tez-tez baş verən haldır.

İddialardan yola çıxaraq əraziyə yollandıq. Doğrudanda sözügedən yerdə yolu keçmək üçün piyada keçidi və işıqforun olmadığını gördük.

Ərazidə yaşayan sakinlər təhlükəsizlik üçün yolda piyada keçidinin olmasını zəruri hesab edirlər.

Məsələ ilə bağlı Azərbaycan Yerüstü Nəqliyyat Agentliyinə müraciət etdik. Qurumdan bildirildi ki, əraziyə baxış keçiriləcək və təhlillər aparılacaq.

Xezerxeber.az mövzu ilə bağlı daha ətraflı videomaterialı təqdim edir.