Qida zəhərlənməsinə qarşı mübarizə gücləndirilir VİDEO

Təhlükəli qida məhsullarını istehsal edənlər və satanlar 10 ilədək azadlıqdan məhrum edilə bilərlər. Bu, Cinayət Məcəlləsinə təklif edilən yeni - 200.3-cü maddədə öz əksini tapıb.

Xezerxeber.az-ın məlumatına görə, layihəyə əsasən, bilə-bilə insan həyatı və sağlamlığı üçün təhlükəli qida məhsullarının istehsalı, satışı və ya satış məqsədilə saxlanması cinayət tərkibi yaradacaq. Bu əməlləri törədənlər on min manatdan on beş min manatadək miqdarda cərimə, bir ilədək müddətə azadlığın məhdudlaşdırılması və ya bir ilədək müddətə azadlıqdan məhrumetmə ilə cəzalandırılacaqlar.

Qida mütəxəssisi Məhsəti Hüseynova hesab edir ki, qanunvericiliyə təklif edilən bu dəyişiklik çox əhəmiyyətlidir. Çünki məhsullar qida təhlükəsizliyi və standartlarına uyğun şəkildə hazırlanmalıdır.

Ekspert qeyd edib ki, bununla yanaşı, quş əti, balıq və dəniz məhsulları, heyvan mənşəli konservləşdirilmiş, eləcə də süd və süd məhsulları yüksək risk qrupuna aiddir. Heyvan yemi üçün istifadə olunan məhsullar da bu qrupa aiddir.

O düşünür ki, qanunvericiliyin sərtləşdirilməsi bu  sahədəki neqativ halların, xüsusilə də qida zəhərlənmələrinin qarşısını xeyli ala bilər.

Xezerxeber.az mövzu ilə bağlı daha ətraflı videomaterialı təqdim edir.