Rayon yollarında baş verən qəzalar yenə də canlar aldı VİDEO

Sürücü idarəetməni itirdi, avtomobil dərədən aşdı...

Xezerxeber.az xəbər verir ki, səhər saatlarında baş verən qəza ölümlə nəticələnib.

Bədbəxt hadisə Hacıqabul rayonunun Muğan qəsəbəsi ərazisində baş verib. Ağır qəzada bir nəfər ölüb, 2 nəfər isə xəsat alaraq xəstəxanaya yerləşdirilib.

Mingəçevir sakini Qurbanəli Gözəlov idarə etdiyi minik avtomobili ilə hərəkətdə olan zaman idarəetməni itirib və nəticədə avtomobil aşıb. Hadisə nəticəsində sürücü dünyasını dəyişib, avtomobildə olan  iki sərnişin isə müxtəlif dərəcəli xəsarətlər alaraq xəstəxanaya yerləşdirilib.

Beyləqanda da ölümlə nəticələnən yol qəzası olub. Hadisə rayonun Aşıqalılar kəndində qeydə alınıb.

Emin Həziyevin idarə etdiyi avtomobillə Elmidar Qafarovun idarə etdiyi maşın toqquşub. Hadisə nəticəsində Elmidar Qafarov xəsarət alıb. Digər sürücü Emin Həziyev və onun oğlu - 8 yaşlı Rəvan Həziyev aldığı xəsarətlərdən xəstəxanaya çatdırılsa da, onların həyatını xilas etmək mümkün olmayıb.

Sabirabadda isə avtomobil piyadanı vurub.

Saatlı rayon sakini Elşad əliyevin idarə etdiyi minik avtomobili ilə Sabirabad sakini 50 yaşlı Zaur Səfərovu vurub. Ağır xəsarətlər alan piyada Sabirabad Rayon Mərkəzi xəstəxanasına çatdırılsa da, həyatını xilas etmək mümkün olmayıb. Hər 3 faktla faktla bağlı araşdırma aparılır.

Xezerxeber.az mövzu ilə bağlı daha ətraflı videomaterialı təqdim edir.