Polis müxtəlif rayonlarda oğurluq edən şəxsləri saxladı VİDEO

Yük avtomobillərinin akkumulyatorları oğurlanıb.

Xezerxeber.az xəbər verir ki, hadisə Goranboyda baş verib.

Rayon polis şöbəsi əməkdaşlarının keçirdikləri əməliyyat-axtarış tədbirləri nəticəsində 2 yük avtomobilindən ümumi dəyəri 1500 manat olan 4 ədəd akummuliyatorun oğurlanması faktı üzrə Azər Cəbrayılov tutulub.

Rayon ərazisində daha bir oğurluq əməlini törətməkdə şübhəli bilinən Ziya Əliyev də polisin keçirdiyi əməliyyat-axtarış tədbirləri nəticəsində saxlanılıb. O, rayon ərazisində yerləşən mağazlardan birindən spirtli içkiləri oğurlamaqda şübhəli bilinir.

Şəki şəhərində yerləşən mağazaların birindən oğurluq edilib.

Polisə müraciət edən zərərçəkən obyektdən pul və tütün məmulatlarının naməlum şəxslər tərəfindən talandığını bildirib.

Cinayət əməlini törətməkdə şübhəli bilinən, əvvəllər də məhkum olunmuş 26 yaşlı Vüqar Əsgərov və 19 yaşlı Elvin Məmmədov saxlanılıb. Onlar mağazanın şüşəsini qıraraq içəriyə daxil olduqlarını və ələ keçirdiklərini aralarında böldüklərini bildiriblər.

Faktla bağlı cinayət işi başlanılıb, məhkəmənin qərarı ilə hər iki şəxs barəsində həbs qətimkan tədbiri seçilib. Araşdırmalar davam etdirilir.

Abşeronda isə evdən müxtəlif vaxtlarda ümumilikdə 10 min manat dəyərində inşaat materialları oğurlanıb.

Zərərçəkmiş noyabrın 25-dən dekabrın 5-dək olan müddətdə evindən 10 min manat dəyərində inşaat materiallarının oğurlandığını bildirib. Polis əməkdaşlarının keçirdikləri tədbirlərlə oğurluq əməlini törətməkdə şübhəli bilinən şəxs müəyyən olunaraq saxlanılıb. Faktlarla bağlı araşdırmalar davam etdirilir.

Xezerxeber.az mövzu ilə bağlı daha ətraflı videomaterialı təqdim edir.