Ali təhsilli olmayanların işə düzəlmə problemi VİDEO

Bəzi fakültələr üzrə kolleclərdə təhsil alanlar məzun olduqdan sonra iş tapa bilmirlər.

Xezerxeber.az xəbər verir ki, onlardan ali təhsil tələb olunur.

Sevinc İsmayılova kimi məzunların sayı kifayət qədərdir. Təhsil ekspertlərinin sözlərinə görə, kolleclərin tədris proqramları bəzən əmək bazarının cari tələblərinə cavab vermir. Bu səbəbdən kollec tələbələri universitetdə təhsil alanlara nisbətən iş tapmaqda çətinlik çəkirlər.

Təhsil eksperti həmçinin onu da əlavə edib ki, kolleclərdə ixtisasların təsniflərinə düzəlişlərin edilməsinə ehtiyac var.

Ekspert onu da vurğulayıb ki, ali təhsil üzrə məzunların sayı çox olduğundan, kollec məzunları onlarla rəqabət aparmaqda çətinlik çəkirlər. İşəgötürənlər bəzən işin kollec məzunu üçün uyğun olduğu hallarda belə, daha yüksək ixtisaslı kadrları seçirlər. Bunun qarşısının alınması üçün isə aidiyyəti dövlət qurumları tərəfindən kollec təhsilli kadrlara marağın artırılması istiqamətində işlər görülməlidir.

Elm və Təhsil Nazirliyindən isə bildirildi ki, ixtisaslar Nazirlər Kabineti tərəfindən təsdiq edilir və tədris prosesi buna uyğun həyata keçirilir.

Xezerxeber.az mövzu ilə bağlı daha ətraflı videomaterialı təqdim edir.