Maştağada bir çox evi su basdı, uçma təhlükəsi yarandı VİDEO

Sabunçu rayonu, Maştağa qəsəbəsində bir çox evi su basıb.

Xezerxeber.az xəbər verir ki, hətta su həyətyanı sahələrdə bataqlıq əmələ gətirib. Hasarlar, evin hər tərəfi suya qərq olub.

Sadıqcan küçəsi, 213 ünvanında yaşayan sakinlər bildirir ki, artıq 1 aydan çoxdur evləri bilinməyən səbəbdən suya qərq olub.

Sakinlərin sözlərinə görə, artıq suyun dayandan artması evlərinə ciddi zərər vurur.

Mənzil sahibləri bildirir ki, ərazidə kanalizasiya xətti olmadığından suların axıdılması üçün demək olar ki, hər gün su çəkdirirlər. Bu da əlavə xərc yaradır.

Məsələ ilə bağlı  İri Şəhərlərin Birləşmiş Su Təchizatı Xidmətindən “Xəzər Xəbər”ə  bildirildi ki, əraziyə qəza xidməti göndərilib və yerində araşdrıma aparılıb. Qeyd olunan ünvanda Xidmətə aid içməli su şəbəkəsi mövcud deyil.

Əraziyə toplanan qrunt sularıdır.

Xezerxeber.az mövzu ilə bağlı daha ətraflı videomaterialı təqdim edir.