Paytaxtda olan tam orta məktəb niyə istiliksiz qalıb? VİDEO

Paytaxtda hələ də isitliklə təmin olunmayan məktəb binası var.

Xezerxeber.az xəbər verir ki, söhbət paytaxtın Yasamal rayonu ərazisində yerləşən 158 nömrəli tam orta məktəbdən  gedir.

Şagirdlər deyir ki, havaların soyumasına baxmayaraq hələ də məktəbə istilik verilməyib. Çarə olaraqsa siniflərə elektrik qızdırıcıları qoyulub.

Bakı Şəhər Təhsil İdarəsindən bildirildi ki,  158 nömrəli tam orta məktəb "Azəristiliktəchizat" ASC tərəfindən mərkəzləşdirilmiş qaydada istiliklə təmin edilir. Yasamal rayonu ərazisində çəkilən qaz xəttində xəta baş verdiyindən məktəbə istilik verilməsində fasilə yaranıb.

“Azəristiliktəchizat”dan bildirildi ki, yaranmış problem sabah gün ərzində aradan qaldırılacaq.

Həm valideynlər və şagirdlər, həm də pedoqojı  heyət ümid  edir ki, məktəbin problemi deyilən  vaxtda  öz  həllini tapacaq.

Xezerxeber.az mövzu ilə bağlı daha ətraflı videomaterialı təqdim edir.