İkinci əl kombilərə tələbat artıb VİDEO

Qış mövsümünün yaxınlaşması ilə ikinci əl kombilərə tələbat artıb.

Xezerxeber.az-ın xəbərinə görə, satıcılar deyirlər ki, buna səbəb işlənmiş kombilərin yeni cihazlarla müqayisədə 50 faizə qədər ucuz olmasıdır. Hətta bəzən çatırılma və quraşdırılma da qiymətə daxil edilir. Üstəlik 2-ci əl kombi alışı zamanı müəyyən müddətlik zəmanət də verilir.

Usta Rəşad Əbilovun sözlərinə görə, əgər şəxs 2-ci əl kombi alan zaman cihazı yoxlatmasa əlavə xərcə düşə bilər. Belə ki, bəzən bir detalın yenisi ilə əvəzlənməsi cihazın ümumi dəyərinin yarısına başa  gəlir.

Ustalar onu da bildirirlər ki, ikinci əl kombilər istifadəyə verilməzdən əvvəl mütləq şəkildə peşəkar emalatxanada təmir edilməli və ehtiyat hissələri yenilənməlidir. Bu, həm cihazın uzunmüddətli işləməsini   təmin edər, həm də istifadəçilərin təhlükəsizliyini qoruyar.

Xezerxeber.az mövzu ilə bağlı daha ətraflı videomaterialı təqdim edir.