COP29-a yüksək rəylər gəlməkdə davam edir VİDEO

"Azərbaycan COP 29-a yüksək səviyyədə ev sahibliyi etdi".

Xezerxeber.az xəbər verir ki, bunu COP29-da iştirak edən Türkiyənin iqlim mütəxəssisi, eyni zamanda BMT-nin iqlim məsələləri üzrə jurnalisti Bünyəmin Sürməli deyib.

O həmçinin vurğulayıb ki, Azərbaycan bu tədbirin keçirildiyi məkanın təşkilatçılığıdan, iştirakçıların yerləşdirilməsi prosesinə qədər hər bir addımı yüksək peşəkarlıqla təşkil etmişdi.

Bünyəmin Sürməli qeyd edib ki, dünyanın müxtəlif ölkələrindən nümayəndələrin Bakıda toplaşaraq qlobal ekoloji problemləri müzakirə etməsi və Azərbaycanın bu tədbiri yüksək səviyyədə təşkil etməsi təqdirəlayiqdir.

COP29 iştirakçısı həmçinin bu tədbirdə Azərbaycanın uğurlu moderatorluğu ilə 300 milyard dollarlıq yeni iqlim hədəfi barədə razılığa gəlinməsini xüsusi vurğulayıb. O, Azərbaycanın bunun üçün bütün qüvvəsini səfərbər etdiyini qeyd edib.

Xezerxeber.az mövzu ilə bağlı daha ətraflı videomaterialı təqdim edir.