Bakıda ağır qəza: ölən və yaralananlar var VİDEO

Ötən gecə aeroport şosesində 3 avtomobilin toqquşması ilə ağır yol qəzası baş verib.

Xezerxeber.az-ın məlumatına görə, qəza nəticəsində 1 nəfər ölüb, 5 nəfər xəsarət alıb.

Məlumata görə, 61 yaşlı piyada Nəsibov Emin Əziz oğlu yolda əks tərəfə keçmək istəyərkən onu "Range Rover" markalı avtomobil vurub. Bu zaman eyni istiqamətdə olan "Fiat" markalı nəqliyyat vasitəsi "Range Rover" markalı maşına çırpılıb. Qəza nəticəsində "Fiat"da olan sərnişin - 26 yaşlı Hacızadə Asim Natiq oğlu avtomobildən çıxaraq yola düşüb və zərbənin təsirindən o, ölüb.

Qəza nəticəsində avtomobillərdə olan sərnişinlər - Seymur Sultanov, Tamella Sultanova, Günay Yusifova və İlkin Novruzlu müxtəlif bədən xəsarətləri alaraq xəstəxanaya yerləşdirilib.

TƏBİB-dən "Xəzər Xəbər"ə verilən məlumata görə, qəza zamanı xəsarət alan piyada Emin Nəsibovun hazırda vəziyyəti ağırdır.

Daxili İşlər Nazirliyindən isə bildirilib ki, baş vermiş qəza ilə bağlı avtotexniki ekspertiza təyin edilib, araşdırma aparılır.

Xezerxeber.az mövzu ilə bağlı daha ətraflı videomaterialı təqdim edir.