Sürücü qardaşını avtomobillə vuraraq öldürüb - Üç rayonda piyadavurma hadisələri baş verib VİDEO

Ağstafada sürücü idarə etdiyi avtomobillə qardaşını vuraraq öldürüb.

Xezerxeber.az-ın məlumatına görə, yol qəzası rayonun Muğanlı kəndində qeydə alınıb.

Böyük-Kəsik kəndindən toydan qayıdan Şöhrət Mehdiyev avtomobillə gecə saatlarında ehtiyatsızlıqdan kiçik qardaşı 39 yaşlı Rəşad Mehdiyevi vurub. Piyada aldığı xəsarətlərdən elə hadisə yerində ölüb. 

Göyçayda da piyadanın ölümü ilə nəticələnən yol-nəqliyyat hadisəsi baş verib. Rayonun Mallı-Şıxlı kəndi ərazisində Sabir Məmmədov idarə etdiyi minik avtomobili ilə yolu keçən piyada 21 yaşlı Fərid Seyidovu vurub. Piyada aldığı xəsarətlərdən hadisə yerində ölüb.

Gecə saatlarında Xaçmazda da bənzər hadisə olub. Yergüc kəndi ərazisində Xaçmaz rayon sakini Etibar Abdullayevin idarə etdiyi minik avtomobili rayonun Üçkün kənd sakini 54 yaşlı Elçin Hafizovu vurub. Piyada hadisə yerində ölüb. Avtomobildə olan sərnişinlər - 35 yaşlı  Musa İbrahimov və 18 yaşlı Səbuhi Həsənov müxtəlif dərəcəli xəsarətlər alıb.

Hər 3 faktla bağlı araşdırma aparılır. 

Xezerxeber.az mövzu ilə bağlı daha ətraflı videomaterialı təqdim edir.