Zabrat-2 qəsəbəsində 2 ildir kanalizasiya xətti çəkilsə də, küçələr addım atıb yeriyəsi deyil… VİDEO

Küçəni, həyətləri, evlərin zirzəmisini su basıb...

Xezerxeber xəbər verir ki, görüntülər Sabunçu rayonu Zabrat qəsəbəsi Murad Mirzəyev döngə 1 ünvanındandır.

Ərazidə yüzlərlə ev var. Sakinlər illərdir bu problemlə üz -üzə olduqlarını deyirlər.

İri Şəhərlərin Birləşmiş Su Təchizatı Xidmətindən "Xəzər Xəbər"ə bildirildi ki, Murad Mirzəyev döngə 1 ünvanında mərkəzləşmiş kanalizasiya şəbəkəsi yoxdur. Mövcud kanalizasiya xətti əhali tərəfindən pərakəndə üsulla çəkilib. Mərkəzləşmiş kanalizasiya şəbəkəsi mövcud olmadığına görə sakinlərə xidmət göstərmək də mümkünsüzdür və onlardan kanalizasya xidməti üçün ödəniş alınmır. Qurumdan o da qeyd edildi ki, kanalizasiya sistemi mövcud olmayan ərazilərdə təchizat sisteminin qurulması məqsədilə müvafiq layihə sənədləri hazırlanıb. Layihələrin icrası kanalizasiya sisteminin mövcudluğu, texniki vəziyyəti və digər amillər nəzərə alınmaqla həyata keçirilir. O cümlədən, sözügedən yaşayış məntəqəsində tullantı su şəbəkəsinin inşası tədbirlər planına uyğun olaraq mərhələlərlə aparılacaq.

Xezerxeber.az mövzu ilə bağlı daha ətraflı videomaterialı təqdim edir.