6 uşaq atasını yük avtomobili vuraraq öldürdü – Bölgələrdə ağır qəzalar VİDEO

Anası dünyasını dəyişmiş uşaqların atası da qəzada ölüb.

Xezerxeber.az xəbər verir ki, Astarada 6 uşaq atasını yük avtomobili vuraraq öldürüb. Hadisə axşam saatlarında rayonun Çayoba kəndi ərazisində baş verib. 36 yaşlı Peyman Ruşanov idarə etdiyi yük avtomobili ilə hərəkətdə olarkən, toydan çıxıb evinə gedən piyada 44 yaşlı Nazim Baxşiyevi vurub.

Qəza nəticəsində piyada aldığı xəsarətlərdən hadisə yerində ölüb.

Nazim Baxşıyevin qohumlarının bildirdiyinə görə  onun həyat yoldaşı da 3 il bundan əvvəl xəstəlikdən ölüb. Nazim fərdi işlər görərək 6 uşağı  saxlayırdı.

Hadisəni törədən sürücü, qaçmağa çalışsa da, Rayon Polis Şöbəsinin əməkdaşlarının keçirdikləri tədbirlərlə Peyman Ruşanov şübhəli şəxs qismində saxlanılıb.

Neftçaladakı qəza da ölümlə nəticələnib. Rayonun Mirzə Qurbanlı kəndi  ərazisində Murtuzəli Rzayev

idarə etdiyi  motosikletlə hərəkətdə olarkən   hasara çırpılıb. Yaralı  Xəstəxanaya çatdırılsa da onun həyatını xilas etmək mümkün olmayıb.

Xezerxeber.az mövzu ilə bağlı daha ətraflı videomaterialı təqdim edir.