COP29 qabağı Bakıda günlük 250-300 manata təklif edilən mənzillər - Bu evlərə maraq varmı? VİDEO

Paytaxtdakı kirayə mənzil bazarında qiymətlər artmağa başlayıb.

Xezerxeber.az xəbər verir ki, səbəb COP29-a çox az bir müddətin qalmasıdır. Əmlakçılar şəhərə minlərlə qonağın gələcəyindən istifadə edərək günlük kirayə verilən evlərin qiymətlərini qaldırıblar.

Əmlak məsələləri üzrə ekspert Ramil Qasımzadə deyir ki, rieltorlar  turist ovlamaq üçün qiymətləri həddindən artıq şişirdib. Hətta evləri günlük dollarla kirayə verənlər də var.

Ekspert deyir ki, oteldə yer tapa bilməyən turistlər daha çox şəhərin mərkəzində olan evlərə üstünlük verirlər

O, həmçinin bildirdi ki, qiyməti bazar tənzimlədiyi üçün artıma nəzarət etmək mümkün deyil. bu artım çox qısa bir dövrü 10-15 günü əhatə edəcək. Noyabr ayının sonlarında isə kirayə mənzil qiymətləri yenə enəcək.

Xezerxeber.az mövzu ilə bağlı daha ətraflı videomaterialı təqdim edir.