Xaçmazda bəzi sakinlərin həyatı təhlükə altındadır VİDEO

Xaçmazın şəhid Rəhim İmamov küçəsində keçid olmadığına görə sakinlər dəmir yolundan keçmək məcburiyyətində qalırlar.

Xezerxeber.az-ın məlumatına görə, ərazidə yaşayan sakinlər bildirirlər ki, əvvəl burada körpü olub və uzun illər oradan istifadə ediblər. Lakin bir müddət əvvəl körpü qəzalı vəziyyətə düşərək uçub. Ancaq o vaxtdan dəfələrlə müraciət olunsa da, körpü bərpa edilməyib. Sakinlər körpünün olmaması səbəbindən təhlükəli dəmiryol xəttinin üzərindən keçməyə məcbur olurlar.  

Məsələ ilə bağlı "Azərbaycan Dəmir Yolları" Qapalı Səhmdar Cəmiyyətinindən "Xəzər Xəbər"ə bildirildi ki, sözügedən dəmiryol körpüsünün kənarı ilə çəpərləmə aparılması planlaşdırılıb. Həmçinin piyadaların təhlükəsiz keçidi üçün pilləkənin quraşdırılması nəzərdə tutulub. 

Xezerxeber.az mövzu ilə bağlı daha ətraflı videomaterialı təqdim edir.