Biləsuvarda günəş elektrik stansiyası tikiləcək VİDEO

Yaxın illərdə Biləsuvar rayonu da bərpa olunan enerji mənbərlərinin ərazisinə daxil olacaq. Burada  ölkənin ən böyük günəş elektrik stansiyasından birinin inşas nəzərdə tutulub. Artıq stansiyanın yerləşəcəyi ərazi də müəyyənləşib.

Xezerxeber.az-ın məlumatına görə, stansiya həm Biləsuvarı, həm də əlavə 22 rayonu elektrik  enerjisi ilə təmin edə biləcək.

Yaxın vaxtlarda inşasına başlanacaq günəş elektrik stansiyası üçün köhnə Ələt-Astara magistralının Biləsuvar rayonuna giriş hissəsində 1454 hektarlıq ərazi ayrılıb.

Layihəyə görə, yeni stansiya ilə magistral yol arasında 500 metrlik xüsusi mühafizə zolağı da yaradılacaq.

Mütəxəssislər tərəfindən layihənin ətraf mühitə təsir imkanları araşdırılıb. Artıq bəzi tiklilərin bünövrələri də qazılıb.Tikinti işlərinə isə yaxın günlərdə başlanacaq.

Layihənin həyata keçirilməsində əsas məqsəd bərpa olunan enerji mənbələri yaratmaqla  Azərbaycanın elektrik enerji təzhizatını artırmaq, bununla da istixana  qazlarının azaldılması və təbii resurslara qənaət edilməsidir. İnşa olunacaq günəş elektrik stansiyası istehsal gücünə görə heç də digərlərindən geri qalmayacaq.

Müqaviləyə əsasən elektrik stansiyasının inşası bir il ərzində tam yekunlaşacaq. İstehsal olunan elektrik enerjisi ölkənin milli enerji şəbəkəsinə qoşulacaq.

Qeyd edək ki, layihə çərçivəsində Neftçalada da ümumi gücü 315 meqavat olan eynitipli günəş elektrik stansiyasının inşası nəzərdə tutulub.

Xezerxeber.az mövzu ilə bağlı daha ətraflı videomaterialı təqdim edir.