Nizami Gəncəviyə aid edilən portretin orijinal olmadığı üzə çıxdı - Ağcabədidən axund imiş... VİDEO

Hamımızın bu günə qədər Nizami Gəncəviyə aid olduğunu zənn etdiyimiz portret əslində orijinal deyil və başqa bir şəxsə aiddir.

Maraqlıdır həmin portret necə ərsəyə gəlib?

Xezerxeber.az-ın xəbərinə görə, sənətşünas Ziyadxan Əliyev bildirir ki, bütün bu proses Nizaminin 800 illik yubileyi ərəfəsində baş verir. Portretin yaradılması məqsədilə o dövrdə Sankt-peterburqda yaşayan Gerasimov adlı antropoloqa müracət olunur.

Məhz bundan sonra qərar verilir ki, dahi Nizaminin portretinin yaradılması üçün həm rəssamlar, həm də heykəltəraşlar arasında ümumittifaq müsabiqəsi  elan olunsun. 1940-cı ildə keçirilən müsabiqəyə Azərbaycan, Gürcüstan eləcə də o vaxtkı SSRİ-nin iri şəhərlərində yaşayan rəssam və heykəltəraşlar müraciət edir.

İlk tura təqdim olunan 16 portret uğurlu alınmır.  

“Birinci turda sonradan qalib olacaq Qəzənfər Xalıqov iştirak etməmişdi. Ancaq o əlində bir cızma qara hazırlamışdı, o eskizi məşhur ədəbiyyatşünas Bertsels görür və deyir ki, Nizami Gəncəvi belə ola bilərdi. Bu söhbətlərə yaxından şahid olan Üzeyir Hacıbəyli söhbətə qoşulur və deyir ki, Xalıqovun tanıdığı qiyafədə bir adam var və mən Ağcabədidə tanıyıram”.

Beləcə Nizami Gəncəvinin protoripini yaratmaq üçün Ağcabədidə yaşayan və axund işləyən həmin şəxs dəvət olunur. Ona Azərbaycan Milli Tarix muzeyindən qiyafət geydirilir və rəssam Qəzənfər Xalıqov bu portreti işləyir.

Həmin müsabiqədə heykəltəraş sahəsində isə rəssam Fuad Əbdürrəhmənov qalib gəlir ki, onun hazırladığı iki heykəldən biri Bakıda, digəri isə Gəncədə ucaldılır.

Xezerxeber.az mövzu ilə bağlı daha ətraflı videomaterialı təqdim edir.