Yerli mütəxəssislər nəyə görə daha çox xarici ölkələrdə işləməyə maraq göstərirlər? VİDEO

Bəzi gənclər ixtisasları üzrə peşəkarlaşdıqdan sonra xarici ölkələrə üz tutub orada işləməyə üstünlük verirlər.

“Bəs bu daha çox hansı sahələr üzrə müşahidə olunur?”

Xezerxeber.az xəbər verir ki, təhsil eksperti, ixtisas seçimi və karyera üzrə mütəxəssis Adil Vəliyevin sözlərinə görə, xüsusi sahələr var ki bu proses özünü daha çox büruzə verir.

Ekspert deyir ki, bunun bir sıra səbəbləri var.

İnsan resursları üzrə mütəxəssis Nüsrət Xəlilov isə deyir ki, gənclər daha çox gəlir əldə etmək üçün səhiyyə və tədqiqat sahələrinə yönəlirlər. Buna görə də daha çox qazanc əldə edə biləcəkləri ölkələrdə işləməyi seçirlər.

Mütəxəssisin fikrincə, bu məsələdə əməkhaqqı xüsusi rol oynasa da, digər səbəblərin də təsiri böyükdür.

Elm və Təhsil Nazirliyi nəzdində Dövlət Proqramı İdarəetmə Qrupundan “Xəbər Ertəsi”nə bildirilib ki, “Gənclərin xarici ölkələrin nüfuzlu ali təhsil müəssisələrində təhsil almalarına dair Dövlət Proqramı” mövcuddur. Məzun olan proqram iştirakçılarının təhsil aldıqları ixtisas istiqaməti təhsil, maliyyə, iqtisadiyyat, energetika, nəqliyyat və logistika, ictimai səhiyyə, dövlət idarəetməsi, fundamental və tətbiqi elmlər, informasiya texnologiyaları və digər sahələrdir. 2023-cü ildə 13 prioritet sahə üzrə dünyanın 8 ölkəsinə aid 44 nüfuzlu ali təhsil müəssisəsində təhsilini başa vuran, Azərbaycana qayıdaraq yüksəkixtisaslı kadr kimi ölkənin dayanıqlı inkişafına töhfə verəcək 124 nəfər məzun olub.

Daha ətraflı videomaterialda: