Torpaq almaq üçün ipoteka krediti verilir? VİDEO

Bakıda torpağın qiyməti bahalaşmaqda davam edir. Qiymətlər hər kəs üçün əlçatan olmadığından torpağı ipoteka ilə almaq istəyənlər də kifayət qədərdir. Bəs bu hal qanunvericiliklə necə tənzimlənir?

Xezerxeber.az-ın məlumatına görə, əmlak məsələləri üzrə ekspert Elnur Azadov deyir ki, torpağın ipoteka ilə alınması dünya təcrübəsində geniş yayılıb. Ölkəmizdə isə topraq ipotekası hazırda yalnız kommersiya bankları tərəfindən verilir.  

Azərbaycan Banklar Assosiasiyasının hüquq ekspert qrupunun rəhbəri Qorxmaz Ağayev "Xəzər Xəbər"ə açıqlamasında deyib ki, kommersiya banklarına torpaq krediti üçün müraciət edənlər var.

Onun sözlərinə görə, dövlət banklarında torpaqların ipoteka ilə alınması isə nəzərdə tutulmayıb, amma istisnalar var.

Şərtlərə gəlincə, mütəxəssis qeyd edib ki, ipoteka ilə bağlı bütün prosedurlar eynidir. Sadəcə burada mənzilin əvəzinə torpaq qiymətləndirlir.

Xezerxeber.az mövzu ilə bağlı daha ətraflı videomaterialı təqdim edir.