Etibarnamə ilə torpaq alqı-satqısı edənlərə XƏBƏRDARLIQ VİDEO

Bəzi vətəndaşlar gələcək riskləri nəzərə almadan etibarnamə yolu ilə torpaq alaraq ev inşa etdirirlər.

Xezerxeber.az-ın xəbərinə görə, əmlak məsələləri üzrə ekspert Elnur Fərzəliyev etibarnamə ilə torpaq alanları diqqətli olmağa çağırıb.

O, bildirib ki, bu sənəd heç bir halda torpaq sahəsinin onu alan şəxsin mülkiyyətinə keçməsini təsdiqləyə bilməz.

Ekspert deyir ki gələcəkdə etibarnamə ilə satılan torpaqlarla bağlı ciddi problemlər yaşana bilər.

Elnur Fərzəliyevin sözlərinə görə, sərəncam üzərindən ikinci bir alqı-satqı mexanizmi qurulmayıb ki, vətəndaş gedib bir sərəncamı digərinin adına keçirsin.

Belə torpaq sahələri özəlləşəndə birinci sahibinin adına özəlləşir.

O, əlavə edib ki, vətəndaşlar problemlə üzləşməmək üçün torpaq sahəsi alan zaman sənədləşmə işləri ilə yanaşı, onun təyinatına da ciddi önəm verməlidirlər.

Xezerxeber.az mövzu ilə bağlı daha ətraflı videomaterialı təqdim edir.