Sürətlə gələn maşın məktəbliləri VURDU... SÜRÜCÜLÜK VƏSİQƏSİ YOXDUR VİDEO

Xəbər verdiyimiz kimi, məktəbdən evə gedən şagirdləri sürətlə gələn maşın vurub.

2 məktəbli ölüb, 1-nin vəziyyəti isə ağırdır.

Dəhşətli qəza günorta saatlarında Zaqatala-Göyəm Avtomobil Yolunda qeydə alınıb.

Zaqatala şəhər sakini, əvvəllər məhkum olunan  Emin İbrahimov  sürücülük hüququ olmadan, eləcə də etibarnaməsiz idarə etdiyi "Mercedes" markalı avtomobillə Göyəm kəndi ərazisində sərt döngədə idarəetməni itirib. Nəticədə qəza zamanı  şagirdlər Ramazan İsayev və  Kamal  Permadov aldıqları ağır xəsarətlərdən hadisə yerində ölüblər. Ağır xəsarətlər alan digər azyaşlı  İbrahim İbrahimzadə isə  Zaqatala Rayon Mərkəzi Xəstəxanasının Reanimasiya şöbəsinə yerləşdirilib.

Kənd sakinləri bildirir ki, məktəblilər yolun kənarı ilə gedirmiş. Avtomobil yoldan çıxaraq onları vurub.

Bu arada Zaqatalada 2 məktəblinin öldüyü, digərinin xəsarət aldığı yol qəzasını törədən şəxs saxlanılıb.

DİN-in mətbuat xidmətindən  bildirilib ki, sürücülük hüququ olmadan avtomobil idarə edən şəxs törətdiyi ağır cinayət əməlinə görə polis əməkdaşları tərəfindən tutulub. Cinayət işi üzrə istintaq hərəkətləri davam etdirilir.

Xezerxeber.az mövzu ilə bağlı daha ətraflı videomaterialı təqdim edir: