MSK Prezident seçkilərinə TAM HAZIRDIR VİDEO

ATƏT-in seçki prosesi ilə əlaqədar ciddi iradları yoxdur.

Xəbər verdiyimiz kimi, bunu Mərkəzi Seçki Komissiyasının sədri Məzahir Pənahov bu gün keçirilən mətbuat konfransında deyib.

MSK sədri qeyd edib ki, həmin təşkilatın nümayəndələri artıq işğaldan azad edilən ərazilərdə olublar. Hazırda Ukrayna və Maldivdən olan nümayəndələr orada səfərdədirlər. Sədr əlavə edib ki, seçkiləri 90 min 372 müşahidəçi izləyəcək. Bunlardan 89 min 366-ı yerli, 790-nı beynəlxalq müşahidəçidir və onlar 72 aparıcı beynəlxalq təşkilatın nümayəndələridir.

Onun sözlərinə görə, sabah 6 milyon yarıma yaxın seçicinin səs verəcəyi gözlənilir.

Ölkə hüdudlarından kənarda yaşayan vətəndaşlarımız üçün də səsvermə şansı yaradılıb. Ümumilikdə 37 ölkədə 49 seçki məntəqəsi fəaliyyət göstərəcək. Həmin məntəqələrdə artıq 23 minə yaxın seçici siyahıya alınıb.

Sabah növbədənkənar prezident seçkilərini 19 siyasi partiyanın 50 mindən çox müşahidəçisi izləyəcək. Yerli və beynəlxalq KİV-lərin də seçkilərə marağı böyükdür. İndiyə qədərə 100-dən artıq aparıcı beynəlxalq media qurumunun nüamyəndələri qeydiyyatdan keçib.

MSK sədri əlavə edib ki, fevralın 9-da bütün dairələrdən məlumatlar alındıqdan sonra nəticələr ümumiləşdirilərək ictimailəşdiriləcək. Bu isə yenə də ilkin nəticə sayılacaq. Yekunda isə Konstitusiya Məhkəməsinin qərarı olacaq. Həmin qərar qətidir. Bundan sonra seçilən şəxs andiçmə keçirə biləcək .

Xezerxeber.az mövzu ilə bağlı daha ətraflı videomaterialı təqdim edir: