Xaricdə təhsil təcrübəsi: Azərbaycanda imtahan vermədən attestatla universitetə qəbul tətbiq edilə bilər? VİDEO

Attestatla universitetə qəbul olmayanlar xaricdə təhsil alandan sonra işə qəbul edilir.

Xezerxeber.az-ın məlumatına görə, hər il onminlərlə gənc ali təhsil almaq üçün xaricə üz tutur.

Özü də bu təhsil ocaqlarına attestatla qəbul  olunurlar. Azərbaycanda attestatla ali məktəblərə qəbul olmayan gənclər  sonradan başqa ölkələrin universitetlərinə attestatla qəbul olaraq  təhsillərini başa  vurub geri qayıdırlar. Onlar burada özlərinə iş  taparaq əmək fəaliyyəti ilə məşğul olurlar. O zaman belə bir  sual  yaranır: Bu  gənclər üçün ölkədə belə  bir  şərait  yaradıla  bilərmi?

Təhsil eksperti Kamran Əsədov bildirib ki, son dövrlər informasiya texnologiyalarının, şagirdlərin elmi biliklərə yiyələnmə marağının, istiqamətinin dəyişməsi qəbul imtahanlarının formatında ciddi dəyişikliyi zəruri edir. Məlumata  görə,  hazırda 45 min azərbaycanlı gənc imtahan vermədən attestatla xarici ölkələrdə təhsil alır.

Paytaxt sakinlərinin isə məsələyə yanaşması birmənalı deyil.

Elm və Təhsil  Nazirliyindən isə bildirilib ki, Azərbaycanda tək attestatla ali məktəblərə qəbul mümkün deyil. Abituriyent qəbul imtahanında müəyyən bal topladığı təqdirdə ali məktəbə qəbul ola bilər.

Xezerxeber.az mövzu ilə bağlı daha ətraflı videomaterialı təqdim edir: