Daha bir mina partlayışı - DİN və ANAMA vətəndaşlara çağırış etdi VİDEO

Tərtərdə 58 yaşlı kişi minaya düşüb.

Xezerxeber.az-ın məlumatına görə, saat 11 radələrində əvvəllər təmas xətti olmuş Göyarx kəndində mina partlaması nəticəsində ərazidə heyvan otaran 58 yaşlı Azər Məmmədovun sol ayağından xəsarət alması barədə rayon prokurorluğuna məlumat daxil olub.

Prokurorluq əməkdaşları hadisə yerinə baxış keçirib, digər zəruri istintaq hərəkətləri aparılıb.

Zərərçəkənin yaxınları bildiriblər ki, maldarlıqla məşğul olan kişi həmişə o ərazilərdə heyvan otarırmış.

Azər Məmmədovun sol ayağı baldır oynağı səviyyəsində amputasiya olunub.

Faktla bağlı araşdırma aparılır.

Daxili İşlər Nazirliyi və Minatəmizləmə Agentliyi vətəndaşlara mina təhlükəsi ilə bağlı müraciət edib. Müraciətdə məsuliyyətli olmaq və təhlükəli ərazilərə daxil olmamaq barədə çağırış edilib.

Xatırladaq ki, ötən gün də Tərtər rayonu ərazisində mina partlayışı baş verib. Nəticədə bir nəfər ağır xəsarət alıb.  

Xezerxeber.az mövzu ilə bağlı daha ətraflı videomaterialı təqdim edir: