Yol qəzaları üç nəfərin ölümünə səbəb oldu - yaralılar var VİDEO

Qubada ölümlə nəticələnən yol -nəqliyyat hadisəsi olub.

Xezerxeber.az-ın məlumatına görə, hadisə  Quba-Qusar yolunda, Quba rayonunun Xucbala kəndi ərazisində  baş verib.

İki  avtomobilin toqquşması nəticəsində 5 nəfər - 45 yaşlı  Elzamin Zülfüqarov, 35 yaşlı Nurlan Balayev, 39 yaşlı  Elnur Əlixanov, 70 yaşlı Nazif Əliyev və 44 yaşlı Qahir Süleymanov ağır xəsarətlər alaraq Qusar Rayon Mərkəzi Xəstəxanasına yerləşdiriliblər. Onlardan  biri, 70 yaşlı Nazif Əliyev xəstəxanada  dünyasını dəyişib.

Tərtərdəki qəza da ölümlə nəticələnib. DİN-in mətbuat xidmətinin Bərdə regional qrupunun baş inspektoru polis kapitanı Aslan Qiyaslı bildirib ki, Bakıdan qonaq gedən 25 yaşlı Vüsal Quliyev xalası oğluna məxsus minik avtomobilini idarə edərkən nəqliyyat vasitəsini su kanalına aşırıb. Hadisə nəticəsində Vüsal Quliyev boğularaq ölüb.

İmişlidə isə yük avtomobili piyadanı vurub. Rayon sakini Eyvaz Ataşov idarə etdiyi yük maşını ilə hərəkətdə olarkən rayonun Otuziki kənd sakini 71 yaşlı Nazim  Əhədovu vurub. Ağır xəsarətlər alan piyada hadisə yerindəcə keçinib.

 Hər üç faktla bağlı araşdırma aparılır.

Xezerxeber.az mövzu ilə bağlı daha ətraflı videomaterialı təqdim edir: