Gəncədə oğul atasını baltalayıb VİDEO

Gəncədə oğul 72 yaşlı atasını baltalamaqda şübhəli bilinir.

Xezerxeber.az-ın məlumatına görə, hadisə Gəncə şəhərinin Bayan küçəsində yerləşən evlərdən birində qeydə alınıb.

Şəhər sakini, 1952-ci il təvəllüdlü Nazim Məmmədova baş nahiyəsindən balta ilə xəsarət yetirilib.

Nazim Məmmədov çoxsaylı xəsarətlərlə xəstəxanaya çatdırılıb. Ona ilkin yardım göstərilib. Həkimlər onun vəziyyətini orta-ağır kimi qiymətləndirirlər.

Məlumata görə, zərərçəkmişin oğlu cinayəti törətdikdən sonra hadisə yerindən qaçmağa çalışsa da, aparılan əməliyyat-axtarış tədbirləri nəticəsində saxlanılaraq istintaqa təhvil verilib.

Faktla bağlı araşdırma aparılır.

Xezerxeber.az mövzu ilə bağlı daha ətraflı videomaterialı təqdim edir: