Keşlədə söyüd ağacı ev sakinlərinin gecəsini-gündüzə qatıb – Hər an aşa bilər VİDEO

Nizami rayonu, Keşlə qəsəbəsi, Nizami Abdullayev küçəsi ev 6, drop 5 ünvanında təhlükəli vəziyyət yaranıb.

Xezerxeber.az-ın xəbərinə görə, evin sahibi Ramiz Yuskayev deyir ki, söyüd ağacı 5 il əvvəl qurumağa başlayıb.

Ev sahibi ağacın bir müddət əvvəl bir budağının qopduğunu və ondan sonra vəziyyətin daha qorxulu hal aldığını bildirir.

Yaxınlıqda yaşayanlar da narahatlıqların dilə gətiriblər.

Məsələ ilə bağlı Bakı Şəhər İcra Hakimiyyəti Yaşıllaşdırma Təsərrüfatı Birliyindən bildirildi ki, əraziyə baxış keçirilib, müvafiq qiymətləndirmə aparılıb, sakinin şikayətinin aradan qaldırılması təmin olunacaq.

Xezerxeber.az mövzu ilə bağlı daha ətraflı videomaterialı təqdim edir: