Polisin qanunsuz silah və narkotik əməliyyatı DAVAM EDİR VİDEO

Qubada avtomat silah satmaq istəyən şəxsdən narkotik vasitə də aşkarlanıb.

Xezerxeber.az xəbər verir ki, Quba Rayon Polis Şöbəsinin əməkdaşları tərəfindən keçirilən əməliyyat-axtarış tədbirləri nəticəsində Şəmkir rayonunda qeydiyyatda olmaqla Bakı şəhərində yaşayan, əvvəllər məhkum olunmuş Rasim Hüseynov saxlanılıb. Həmin şəxsin üzərindən satmaq məqsədilə gətirdiyi 1 ədəd "Kalaşnikov" və narkotik vasitə olan marixuana aşkar edilərək götürülüb.

Faktla bağlı Quba Rayon Polis Şöbəsində cinayət işi başlanılıb və məhkəmənin qərarı ilə Rasim Hüseynovun barəsində həbs qətimkan tədbiri seçilib.

Şirvan Şəhər Polis Şöbəsinin əməkdaşları tərəfindən isə qanunsuz olaraq odlu silah əldə edib saxlamaqda şübhəli bilinən şəhər sakini saxlanılıb.

Daxil İşlər Nazirliyinin Mətbuat Xidmətinin Şirvan regional qrupundan verilən məlumata görə, şöbə əməkdaşlarının keçirdikləri əməliyyat-axtarış tədbirləri nəticəsində qanunsuz olaraq odlu silah əldə edib saxlamaqda şübhəli bilinən şəhər sakini, əvvəllər törətdiyi müxtəlif cinayət əməllərinə görə 19 ilə yaxın məhkumluq həyatı yaşamış Zaur Paşayev saxlanılıb.

Onun yaşadığı ünvana keçirilən baxış zamanı 1 ədəd atəşə yararlı "TT" markalı tapança, həmin silaha aid daraq və 4 ədəd patron aşkar edilərək götürülüb.

Faktla bağlı araşdırma aparılır.

Xezerxeber.az mövzu ilə bağlı daha ətraflı videomaterialı təqdim edir: