Bakıda 15-ə yaxın avtomobili əzib qaçmaq istəyən sürücü tutulub VİDEO

Bakıda 15-ə yaxın avtomobili əzərək yol polisindən qaçmaq istəyən sürücü saxlanılıb.

Vətəndaşlara böyük məbləğdə ziyan vuran sürücü avtomobildən düşüb qaçmaq istəyərkən tutulub.

Xezerxeber.az-ın məlumatına görə, yanvarın 30-u Nəsimi rayonu, Ceyhun Səlimov küçəsində 3-cü mikrorayon dairəsi istiqamətində hərəkətdə olan ''Opel'' markalı avtomobilin sürücüsü yol polisinin qanuni tələbinə tabe olmayaraq hərəkətini davam etdirib.

Həmin şəxs avtomobili tıxacda qalmış digər nəqliyyat vasitələrinin arası ilə sürüb. Nəticədə o ümumilikdə 15-ə yaxın avtomobilə ziyan vurub. Əksər nəqliyyat vasitələrinin güzgüləri qırılıb.

Sonda avtomobil digər maşınlara çırpılaraq dayanıb, sürücü isə düşərək qaçıb. Ətrafdakı şəxslərin və polislərin köməyi ilə onu tutmaq mümkün olub.

Ehtimal edilir ki, hadisəni törədən şəxs narkotik vasitənin təsiri altında olub. Onun barəsində toplanan material baxılması üçün Nəsimi Rayon Məhkəməsinə göndərilib.

Xezerxeber.az mövzu ilə bağlı daha ətraflı videomaterialı təqdim edir: