Həqiqətən votsap mesajlarını oxumaq mümkündür? – MÜTƏXƏSSİS RƏYİ VIDEO

"Vatsap izləmə xidməti, istədiyiniz nömrəni təqdim edin, votsap yazışmalarını oxuyun" kimi reklamlarla son zamanlarda tez-tez rast gəlinir.

Hətta belə bir səhifəyə mesaj yazılıb. İnandırmağa çalışdılar ki, xüsusi proqram vasitəsilə istədiyim nömrənin vatsapın izləyə bilərəm.

Bəs həqiqətən də başqa birinin vatsap mesajlarını oxumaq mümkündürmü?

Texnobloger Fərid Pərdəşünas deyir ki, normal vatsap işlədən insanların yazışmalarını izləmək qeyri-mümkündür.

Mütəxəssis onu da bildirdi ki, lakin bəzi hallarda vatsap yazışmaları izlənilə bilər.

Bu da kənar mənbələrdən "vatsap+", yaxud da vatsapın alternativ versiyaları yükləndikdə mümkündür. Çünki  belə olduğu halda smartfondakı bütün məlumatlar üçün təhlükə yaranır.

Fərid Pərdəşünasın sözlərinə görə, "vatsap+"dan istifadə etmək mobil telefondakı şəxsi mələumatlarla yanaşı, bank hesabı və bu kimi digər vacib məlumatları da təhlükə altına atır.

Xezerxeber.az mövzu ilə bağlı daha ətraflı videomaterialı təqdim edir: