Kılıçdaroğlunun yol xəritəsi ilə bağlı açıqlamasına reaksiyalar gəlməkdə davam edir... VİDEO

Türkiyədə Prezidentliyə namizəd Kemal Kılıçdaroğlunun Azərbaycanın İpək yolu layihəsindən kənarda qalması ilə bağlı fikirlər söyləməsi  Türkiyə Azərbaycan birliyinə,ölkəmizin iqtisadi baxımdan güclənməsinə qarşı olmaq deməkdir.

Xezerxeber.az xəbər verir ki, bu fikirləri Türkiyədə səfərdə olan Yeni Azərbaycan Partiyasının nümayəndə heyətinin rəhbəri, millət vəkili  Tahir Rzayev türkiyəli jurnalistlərin suallarını cavablandırarkən deyib.

Onun sözlərinə görə, bir çox türk dövlətlərindən keçən layihə Azərbaycandan yan keçirsə deməli bu baş tuta bilməz.

Millət vəkili Ramil Həsən də Cumhuriyyət Xalq Partiyasının sədri Kamal Kılıcdaroğlunun fikirlərinə münasibət bildirib..

Nümayəndə heyəti öncə AK Parti Antalya vilayət təşkilatının qərargahını ziyarət ediblər.

Antalya valisi Ersin Yazıcı da Türkiyədə səfərdə olan YAP nümayəndə heyətini qəbul edib. Qəbul zamanı  Ersin Yazıcı tarixi dostluq, qarşılıqlı etimad, yüksək səviyyəli əməkdaşlıq əsasında qurulan Azərbaycan-Türkiyə əlaqələrinin daim möhkəmləndiyini xatırladıb.

Daha sonra Azərbaycandan gələn nümayəndə heyəti Kəpəz bələdiyyəsini ziyarət edib. Bələdiyyə sədri Hakan Tütüncü Ulu Öndər Heydər Əliyevin "bir millət, iki dövlət" kəlamının önəmini,  türkdilli dövlətlər arasında əlaqələrin inkişafı üçün birgə səylər göstərildiyini vurğulayıb.

Yeni Azərbaycan Partiyasının  nümayəndə heyəti Antalya Azərbaycanlılar Kültür və Dayanışma Dərnəyini də ziyarət ediblər. Dərnəyin qurucusu və sədri Azər İsmayıl təşkilatın iş fəaliyyəti barədə  məlumat verib. Bildirilib ki, dərnək Azərbaycan türkləri arasında maddi və mənəvi dəstəyi təmin etmək, mədəniyyət və folklorumuzu tanıtmaq məqsədilə yaradılıb.

Daha sonra nümayəndə heyyəti antalyada fəaliyyət göstərən ticarət və iş dünyasınım təmsilçiləri iıə görüşüb.

Xezerxeber.az mövzu ilə bağlı daha ətraflı videomaterialı təqdim edir: