Ermənistan təxribat törətmək üçün niyə məhz “Zod”u seçib? VIDEO

Son günlər Ermənistan silahlı qüvvələri tərəfindən xüsusilə Basarkeçər rayonun Zod istiqamətində atəşkəs mütəmadi olaraq pozulur.

Xezerxeber.az xəbər verir ki, qarşı tərəf sözügedən ərazilərdə təxribatlar zamanı  döyüş PUA-larından tez-tez istifadə edir.

Hərbi ekspert Üzeyir Cəfərov “Xəzər Xəbər”ə deyir ki, Ermənistanın Zod istiqamətini seçməsinin müxtəlif səbəbləri var.

Onun sözlərinə görə, bunlardan biri şərti sərhəddə yerləşən Azərbaycan ordusunun həmin ərazilərdə baş verən proseslərdən diqqətini yayındırmaqdır. Onlar bu yolla həm də öz mövqelərini gücləndirməyə cəhd edirlər.

Hərbi ekspert Ermənistanın istifadə etdiyi pilotsuz uçuş aparatlarına da diqqət çəkib. Bildirib ki, primitiv qaydada hazırlanan avadanlıqlar ordumuzun balansında olan zərbə dron aparatları ilə müqayisə oluna bilməz. Ekspert qeyd edib ki, Azərbaycan ordusu qarşı tərəfin pilotsuz uçuş aparatlarını asanlıqla sıradan çıxarır.

Eksper vurğulayıb ki Ermənistan belə cılız addımlarla nə döyüş meydanında, nə də ki danışıqlar prosesində istəyinə nail ola biləcək.

Xezerxeber.az mövzu ilə bağlı daha ətraflı videomaterialı təqdim edir: