Azərbaycanda Ramazan bayramı qeyd olunur VİDEO

11 ayın sultanı, müqəddəs Ramazan bayramı münasibətilə mayın 2-də səhər Azərbaycanda fəaliyyət göstərən məscidlərdə bayram namazı qılınıb.

Xezerxeber.az xəbər verir ki, Bayram namazını qılmaq üçün səhər saatlarından insanlar məscidlərə axın ediblər.

Bayram namazında Uca Yaradanın hüzurunda cərgə ilə düzülən insanlar xalqımızn firavanlığı və xoşbəxtliyi üçün dualar ediblər.

Hər kəsin simasında bayram namazının verdiyi rahatlıq və sevinc hiss edilirdi.

Qeyd edək ki, koronavirus pandemiyası ilə əlaqədar əvvəlki illərdə bayram namazının qılınması ilə bağlı say məhdudiyyəti tətbiq edilirdi. Amma həm bu məhdudiyyətin, həm də maska tələbinin ləğv edilməsi bu gün məscidlərdə daha çox insanın toplaşmasına səbəb olub.

Xezerxeber.az mövzu ilə bağlı daha ətraflı videomaterialı təqdim edir: