Bakı-Quba yolu ilə hərəkət edən sürücülərin DİQQƏTİNƏ VİDEO

Bakı-Quba avtomobil yolunda əsaslı təmir-bərpa işlərinə başlanılıb. Avtomobil yolunda hərəkət intensivliyi nəzərə alınaraq işlər hissə-hissə aparılacaq.

Vətəndaşları uzun müddətdir narahat edən Bakı-Quba yolu əsaslı təmir olunacaq.

Azərbaycan Avtomobil Yolları Dövlət Agentliyindən   verilən məlumata görə, təmir-bərpa işləri magistral yolun 88-ci km-dən başlayaraq Bakı şəhəri istiqamətində aparılacaq.

Artıq bu gündən işlərə start verilib. Yolun təmir gedən hissəsi hərəkətə bağlanıb. Sürücülərdən təmir-bərpa işləri zamanı   hərəkətdə olarkən diqqətli olmaları,  və yol hərəkəti qaydalarına riayət etmələri xahiş olunur.

Əks istiqamət üzrə 2 tərəfli hərəkətin təhlükəsiz və maneəsiz təmin olunması üçün ərazidə əlavə təhlükəsizlik tədbirlərinin görülməsi, müvafiq nişanlanma xətlərinin çəkilişi və müvəqqəti yol nişanlarının quraşdırılması işləri aparılacaq.