Sumqayıtda zavodda güclü yanğın baş verib VİDEO

Sumqayıt şəhərinin Hacı Zeynalabdin qəsəbəsində yerləşən “Azərsun Sənaye Parkı”nın ərazisində güclü yanğın baş verib.

Xezerxeber.az-ın xəbərinə görə, Fövqəladə Hallar Nazirliyinin Dövlət Yanğından Mühafizə Xidməti və Sumqayıt Regional Mərkəzinin qüvvələri ilə yanaşı, Aviasiya dəstəsinin iki ədəd helikopteri, eləcə də yanğın qatarı yanğının söndürülməsi əməliyyatına cəlb olunub.

Hazırda yanğının söndürülməsi istiqamətində operativ və təxirəsalınmaz tədbirlər həyata keçirilir.

Hadisə yerinə Təcili və Təxirəsalınmaz Tibbi Yardım Stansiyasının briqadaları da cəlb edilib. Yanğın zamanı ölən və yaralananların olub-olmaması barədə hələlik heç bir məlumat yoxdur.

Yanğının səbəbi məlum deyil.

Xezerxeber.az mövzu ilə bağlı daha ətraflı videomaterialı təqdim edir: