Nazir uşaqlar arasında yayılan virusla bağlı açıqlama verdi VİDEO

Uşaqlar arasında yayılan virus hepatitə bənzədilir, amma bununla bağlı heç bir fakt yoxdur.

Xezerxeber.az-ın məlumatına görə, bunu səhiyyə naziri Teymur Musayev uşaqlar arasında mənşəyi məlum olmayan virusunun yayılmasına münasibət bildirərkən deyib.

Nazir hazırda ölkəmizdə bununla bağlı narahatlığın olmadığını qeyd edib.

Teymur Musayev əlavə edib ki, hazırda ölkəmizdə də uşaqlar arasında virus mənşəli xəstəlik yayılıb, amma bunun hepatitlə heç bir əlaqəsi yoxdur.

Xatırladaq ki, son günlər uşaqlar arasında virusun yayılması ilə bağlı müraciətlərin sayı artıb. Xəstəxanalara müraciət edən uşaqların böyük əksəriyyətində qusma, ishal və hərarət müşahidə olunur. Bir neçə gün əvvəl Kliniki Tibbi Mərkəzin bununla bağlı yaydığı məlumatda qeyd olunmuşdur ki, uşaqlar arasında yayılan bu xəstəliklər mövsümi xarakter daşıyır və simptomları rotavirusa məxsusdur. Xəstə uşaqlarla təmas nəticəsində sağlam uşaqlar da virusa yoluxur. Maye itkisi olduğuna görə uşaqların vəziyyəti tez bir zamanda ağırlaşa bilər. Belə hallarda dərhal həkimə müraciət etmək lazımdır.

Xezerxeber.az mövzu ilə bağlı daha ətraflı videomaterialı təqdim edir: