Azərbaycanda evə BASQIN: qadını bıçaqla qorxudub... VİDEO

Sumqayıtda qadının yaşadığı evə basqın olub. Daxili İşlər Nazirliyinin yaydığı məlumata görə əvvəllər məhkum olunmuş 2 nəfər ona bıçaqla hədə-qorxu gəliblər. Daha sonra içərisində 4900 manat olan pulqabını ələ keçirərək qaçıblar. 

Sumqayıtda qadının evinə silahlı basqın edilib. Hadisə BTZ bağları adlanan ərazidə baş verib.

Daxili İşlər Nazirliyinin yaydığı məlumata görə Sumqayıt Şəhər Polis İdarəsinin 5-ci Polis Bölməsinə "BTZ" bağlar sahəsində yaşayan bir qadını naməlum şəxslərin bıçaqla hədələməsi və evindəki dolabdan içərisində 4900 manat olan pulqabını talamaları barədə müraciət daxil olub.

Həyata keçirilmiş əməliyyat-axtarış tədbirləri nəticəsində quldurluğu törətməkdə şübhəli bilinən Sumqayıt şəhər sakinləri, əvvəllər məhkum olunmuş şəxslər Vüqar Bəylərov və Turan Dadaşlı saxlanıblar. Faktla bağlı araşdırma aparılır.