Çempionlar Liqası: “Mançester Siti” – “Real” matçında 7 qol vuruldu VİDEO

UEFA Çempionlar Liqasında yarımfinal mərhələsinə start verilib.

İlk oyun günündə bir matç baş tutub.

Mançesterdə öz ölkə çempionatlarının hazırkı liderləri “Mançester Siti” (İngiltərə) ilə Madrid “Real”ı (İspaniya) qarşılaşıb. 7 qolun vurulduğu oyunda ev sahibləri üstün olub – 4:3

Komandalar arasında cavab görüşü mayın 4-də keçiriləcək.

Xatırladaq ki, son İngiltərə çempionu, ÇL-in son finalçısı olan “şəhərlilər”lə “Kral klubunun”nun axırıncı dueli 2020-ci ildə baş tutub. Çempionlar Liqasının 1/8 finalı çərçivəsindəki hər iki oyunda ingilislər 2:1 hesabı ilə qalib gəliblər.

Qeyd edək ki, digər yarımfinal matçı aprelin 27-də İngiltərədə “Liverpul” və İspaniya “Vilyareal”ı arasında olacaq.

UEFA Çempionlar Liqası

1/2 final (ilk oyun)

"Mançester Siti" (İngiltərə) - "Real" (İspaniya) - 4:3
Qollar: Kevin de Bruyne, 2, Qabriel Jezuş, 11, Fil Foden, 53, Bernardu Silva, 74 - Kərim Benzema, 33, 82 (pen.), Vinisius Junior, 55