Azərbaycanda mobil internet istifadəçilərinin sayı açıqlanıb

Son 20 ildə Azərbaycanda mobil telefon abunəçilərinin sayı artaraq 11 milyon olub. Nəticədə ölkədə hər 100 nəfərə düşən abunəçi sayı 110 olub. Bununla da rəqəmlər son 5 ilin ən yüksək səviyyəsinə çatıb.

Rəqəmsal İnkişaf və Nəqliyyat Nazirliyindən Xezerxeber.az-a bildirilib ki, ölkədə mobil internet istifadəçilərinin sayı 9 milyona çatıb.

Məlumata əsasən, 3G və 4G mobil şəbəkəsinin əhatə dairəsinin genişlənməsinin də mobil telefon şəbəkəsinin inkişafında mühüm faktor olduğu qeyd olunur.

Mobil şəbəkə ilə əhatə olunan ərazilərdə yaşayan əhalinin xüsusi çəkisi stabil, yəni 100 faiz olaraq qalıb. 3G mobil şəbəkəsi ilə əhatə olunan ərazidə yaşayan əhalinin ölkə əhalisində xüsusi çəkisi isə 99.8 olub.