Telefonlarda aşkarlanan boşluq kiberdələduzlara şərait yaradır

“Android” əməliyyat sistemində kritik boşluq aşkarlanıb.

Xezerxeber.az Elektron Təhlükəsizlik Xidmətinə istinadən xəbərinə görə, bu boşluq “Android” əməliyyat sisteminin “callback_thread_event” funksiyasının əməli yaddaşdan düzgün istifadə etməməsinə görə yaranıb. 

Yaranan boşluq kiberdələduza sistemin üzərində ixtiyari kodu icra etmək və fərdi məlumatları ələ keçirmək imkanını verir.

Bu səbəbdən də istifadəçilərə əməliyyat sisteminin ən son versiyasını tətbiq etmək tövsiyə olunur.