Əməkdar artist 30 il sonra şəhid həyat yoldaşının məzarını ziyarət etdi: KÖVRƏK ANLAR

Əməkdar artist Gülüstan Əliyeva 30 il sonra şəhid həyat yoldaşı Zahid Əhmədovun qəbrini ziyarət edib.

XəzərXəbər xəbər verir ki, bu haqda sənətçi şəxsi instaqram hesabında bildirib.

Əməkdar artist həmin məzarlıqdan çəkilən fotosunu yayımlayaraq, qəbrin tamamilə düşmən tərəfindən dağıdıldığını qeyd edib:

“Bu gün böyük qələbəyə gedən yolun başladığı gündür. 30 il əvvəl I Qarabağ müharibəsində “Vətən”, “Torpaq” deyərək canını qurban edən Daxili işlər nazirliyinin zabiti, Cəbrayılın igid oğlu Zahid Əhmədovun ruhu şaddır. Düşmən tərəfindən dağıdılan müqəddəs ziyarətgahda məzarını tapdım”.

Qeyd edək ki, Gülüstan Əliyevanın həyat yoldaşı Zahid Əhmədov I Qarabağ müharibəsi zamanı Cəbrayıl uğrunda gedən döyüşlərdə həlak olaraq, şəhidlik zirvəsinə ucalıb. Əməkdar artist proqramlardan birində ən böyük arzusunun həyat yoldaşının Cəbrayıldakı qəbrini ziyarət etmək olduğunu deyib.