Yol polisi avtobus qəzası barədə məlumat yaydı YENİLƏNİB/FOTO

Baş Dövlət Yol Polisi İdarəsi Biləsuvarda baş verən qəza barədə məlumat yayıb.

Xezerxeber.az-ın məlumatına görə, açıqlamada hadisənin noyabrın 30-u saat 10 radələrində baş verdiyi bildirilib.

Qeyd olunur ki, HOWO markalı 90-JZ-892 dövlət qeydiyyat nişanlı yük avtomobili "Scania" markalı 59-AA-700 dövlət qeydiyyat nişanlı avtobusla toqquşub.

"Hadisə Ələt-Astara yolunun 111-ci kilometrliyində, Biləsuvar rayonunun Əsgərabad kəndi ərazisində baş verib. Yük maşını yolayrıcını keçmə qaydalarını pozduğuna görə avtobusla toqquşma baş verib. Avtobusun içərisində əyləşən sərnişinlərdən bir nəfər xəsarət alıb", - məlumatda deyilir.

10:57

Naxçıvan Bakı istiqaməti üzrə hərəkət edən sərnişin avtobusu Biləsuvarda qəzaya uğrayıb.

Xezerxeber.az xəbər verir ki, hadisə köhnə Ələt-Astara magistralının Biləsuvar rayonu ərazisindən keçən hissəsində baş verib.

Məlumata görə, Naxçıvandan Bakı gedən avtobus "Kamaz"la toqquşub. Qəza nəticəsində xəsarət alanların olduğu bildirilir.

Hadisə yerinə polis əməkdaşları cəlb edilib.

Faktla bağlı araşdırma aparılır.