Salyanda minivan və kombayn toqquşub, yaralılar var

Salyan rayonu ərazisində minivan tipli nəqliyyat vasitəsi və kombaynın toqquşması ilə nəticələnən yol qəzası baş verib.

Xezerxeber.az xəbər verir ki, yol nəqliyyat hadisəsi saat 11 radələrində Ələt-Astara avtomobil yolunun Salyan rayonunun Quyçu kəndi ərazisində qeydə alınıb. "Mercedes Vito” markalı minivan tipli nəqliyyat vasitəsi və pambıqyığan kombayn toqquşub. Qəza nəticəsində xəsarət alanlar - Hüseynova Əminə Qadir qızı, İsmayılova Natəvan Şahsirov qızı, İsmayılov Qadir Müseyib oğlu və Hüseynov Ümid Məmməd oğlu Salyan Rayon Mərkəzi Xəstəxanasına yerləşdiriliblər.

Faktla bağlı araşdırma aparılır.