Gəncədə yaşayış binasında partlayış olub, xəsarət alan var FOTO

Gəncədə evdə qaz partlayıb.

Xezerxeber.az xəbər verir ki, hadisə şəhərin Nəriman Nərimanov prospektində yerləşən 5 mərtəbəli yaşayış binasında qeydə alınıb.

Beşmərtəbəli binanın 4-cü mərtəbəsində yerləşən mənzildə partlayış olub. Partlayış zamanı 1 nəfərin xəsarət aldığı bildirilir.

Hadisə yerinə FHN-in əməkdaşları və təcili tibbi yardım birqadası cəlb olunub. Partlayışın təsirindən mənzilin pəncərələri yerə tökülüb, bu zaman binanın qarşısında olan “VAZ 2107” markalı avtomobilə ziyan dəyib.

Faktla bağlı araşdırma aparılır.