90 milyon xərc çəkilmiş film YAYIMLANMAYACAQ

“Warner Bros” istehsalı olan yeni super qəhrəman filmi “Badgirl”in çəkilişlərinin tamamlanmasına baxmayaraq, ekranlara çıxmayacağı açıqlanıb.

XəzərXəbər lent.az-a istinadən xəbər verir ki, filmin çəkilişlərinə 90 milyon dollar pul xərclənib.
 
Filmin rejissorları Adil Əl Arbi və Bilall Fallah bununla bağlı fikirlərini səsləndiriblər:
 
“Hələ də inana bilmirik. Ümid edirəm ki, onlar bir gün bunu izləyə biləcəklər”.
 
Filmin baş rol ifaçısı Leslie Grace də maraqlı açılama verib:
 
"7 ay ərzində Şotlandiyada çəkilən filmimizə sevgi və səylərini sərf edən bütün aktyor həmkarlarım və yorulmaz çəkiliş heyətimizlə fəxr edirəm".
 
Ləğv edilən filmin heyətində Maykl Keaton, J.K.Simmons, Brendan Fraser, Jacob Scipio, Corey Johnson və Rebecca Front kimi adlar yer alır.