Yunanıstanla bağlı reklam roliki sosial şəbəkə istifadəçilərini təəccübləndirdi

Yunanıstanda istirahətlə bağlı çəkilən yeni reklam sosial şəbəkə istifadəçilərini xeyli təəccübləndirib. Rolik Yunanıstanın milli turizm təşkilatı “Visit Greece” tərəfindən hazırlanıb.

“Uikenddən daha yaxşı nə ola bilər? Ancaq Yunanıstanda uikend və ya bizlərin təklif etdiyi kimi “greekend”, - deyən şən aparıcı ölkənin ən yaxşı kurortlarını nümayiş edir, dəniz, qastronomik ləzzətlər, şoppinq və əyləncədən bəhs edir.

Lakin “greekend” neologizmi tamaşaçılar tərəfindən birmənalı qarşılanmayıb. Belə ki, bir çoxları bunu “Yunanıstanın sonu” (“Greek end”) kimi şərh edib.

Bununla belə, kampaniyanı bəyənənlər də olub.

“Reklam nə qədər cəlbedici olsa, bir o qədər orada olmaq istəyirsən”, - deyə rolik tərəfdarları vurğulayıb.