Bill Qeytsin işçilərinə ödədiyi maaş - İnanılmaz rəqəmlər

Dünyanın ən varlı şəxsləri arasında yer alan “Microsoft”un qurucusu Bill Qeytsin işçilərinə ödədiyi maaş məğbləğləri ortaya çıxıb.

Maaşlar təcrübəsi və sahəsi fərqli olan 1200-dən çox işçinin hər il nə qədər qazandığını göstərən cədvəldə yer alıb.

Məlumata görə, ən az maaş alan vəzifələr proqram təminatı üzrə mütəxəssis, keyfiyyət mühəndisi və həll memarı olub.

Məlumatda həmçinin cins, irq və etnik mənsubiyyətə görə təşviqat bölgülərini, eləcə də əraziyə görə nə qədər ödəmə dərəcələrinin dəyişdiyi göstərilir.

Sızdırılan “Microsoft” elektron cədvəldə 600-dən çox işçi “Azure”, “Office” və “Windows” da daxil olmaqla şirkətin biznes bölmələrində mühəndis kimi müəyyən edilib. Məlumatlara görə, proqram mühəndisləri ildə orta hesabla 185 min dollar qazanırlar. Ən çox qazanan qrupda olan mühəndislərin illik maaşları isə 500 min dollardır. Başlanğıc səviyyəli mühəndislərin maaşları 132 min 900 dollardan, yüksək səviyyəli mühəndislər isə 217 min dollardan başlayır. “Microsoft”un yüksək səviyyəli rəhbərləri keçən il 250 min dollara qədər maaş alıblar.

Xarici İş Sertifikatlaşdırma İdarəsi hər il H-1B vizalarından alınan maaşları yayıb və “Microsoft” kimi şirkətlərin xarici işçilərə nə qədər maaş verdiyini açıqlayıb.

“Business Insider” nəşriyyatı xəbər verir ki, məlumatlara yalnız əsas əmək haqqı daxildir və əlavə ödənişlər göstərilmir. Bununla belə, nəşriyyat “Microsoft”un adətən paylaşmadığı ödənişlərə nəzər salıb. Nəşr “Microsoft”un ən yüksək maaşlı vəzifələrini tapmaq üçün bu vizaların 1400-dən çoxunu təhlil edib. Nəticədə yüksək səviyyəli rəhbər işçilərinin maaşının ildə 250 min dollar olduğunu müəyyən edib./Teleqraf.com