Nazir: Ərzaq qiymətlərinin aşağı düşdüyünü müşahidə edirik

Müzakirəyə çıxarılan büdcə layihəsi mürəkkəb qlobal şəraitə təsadüf edir.

Xezerxeber.az xəbər verir ki, bunu Milli Məclisin İqtisadi siyasət, sənaye və sahibkarlıq komitəsinin iclasında iqtisadiyyat naziri Mikayıl Cabbarov deyib. 

O qeyd edib ki, dünyada hərbi münaqişələrin geniş vüsət aldığı şəraitdə dünya iqtisadiyyatında gərginlik və risklər artmaqda davam edir: "Bu risklər fonunda Beynəlxalq Valyuta Fondu cari ilin oktyabr hesabatında qlobal iqtisadi artımı 2023-cü il üzrə 3 faiz, 2024-cü il üzrə isə 2,9 faiz səviyyəsində proqnozlaşdırılıb".

Nazir cari ildə qeyri-neft qaz sektorunun bütün sahələrində artım qeydə alındığını vurğulayıb. 

"Qeyri-neft qaz sektorunda istehsalın artımına sənaye zonalarının istehsalı müsbət təsir göstərir. Cari ildə qeyri-neft-qaz ixracında 11 faiz artım müşahidə edilib", - Mikayıl Cabbarov vurğulayıb.

Mikayıl Cabbarov ərzaq məhsullarının qiymətlərinə də toxunub: “Hökumətin gördüyü tədbirlər nəticəsində ərzaq qiymətlərinin aşağı düşdüyünü müşahidə edirik”.